அறிமுகம்
போரினால் சிதைவுற்ற சமூகமொன்றில் கலாசார பாதுகாப்பு சார்ந்து முதலீடு செய்வது அந்த சமூகத்தை மீளக் கட்டியெழுப்புவதற்கான பங்களிப்பாகக் கருதத் தக்கது. ஈழத்தமிழ்ச்சமூகமானது உன்னதமான கலாசார பாரம்பரியத்தைத் தன்னகத்தே கொண்டதொன்று.
இந்த எண்ணிம விம்ப நூலகமானது இலங்கைத் தமிழர்களின் வாழும் மரபு சார்ந்த தகவல்களைப் பாதுகாப்பதற்கான முதலாவது செயற்திட்டமாக நூலக விழிப்புணர்வு நிறுவகத்தால் ஆரம்பிக்கப்பட்டுள்ளது.
நூலக விழிப்புணர்வு நிறுவகம் ஆரம்பிக்கப்பட்ட காலம் முதற்கொண்டு அதனது சேகரிப்புகளில் விம்பச் சேகரிப்பானது பிரதான பகுதியாக இருந்து வந்திருக்கின்றது. எண்ணிம விம்ப நூலகம் ஒன்றை உருவாக்குவதனூடாக இலங்கைத் தமிழர்களின் வாழும் மரபைப் பாதுகாப்பதற்கான ஒரு ஆரம்ப செயற்திட்டமாக இது கொள்ளத்தக்கது.
இதில் உள்ள விம்பங்களில் நேரடியாகப் பெறப்படக்கூடியவை நேரடியாக ஒளிப்படமெடுப்பதனூடாகவும் எம்மிடமிருந்து மறைந்து போனவை எழுத்துமூல பதிவேடுகளிலிருந்து மீளுருவாக்கம் செய்யப்பட்டதாவும் உள்ளது.
ஸ்ரீகாந்தலட்சுமி
தலைவர்
நூலக விழிப்புணர்வு நிறுவகம்
ஈழத்தமிழர் வாழ்வியல் 